Ang babae sa pagdaralita ni Joi Barrios

  • talambuhay ng may akda

Mas kilala bilang Joi Barrios sa kanyang mga akda, si Maria Josephine Barrios ay ipinanganak noong Hunyo 26, 1962 sa Lungsod Quezon. Nakamit niya ang kanyang doktorado sa Filipino (Literature) sa Unibersidad ng Pilipinas noong 1998. Kilala rin si Barrios bilang isang makata, aktibista, tagasulat ng senaryo, artista, translator at guro. Sa kasalukuyan ay isa siyang visiting professorsa Philippine Studies Program ng Osaka University of Foreign Studies at kasapi rin siya ng Congress of Teachers and Educators for Nationalism and Democracy

http://tl.mgamaiiklingkwentongisinulatngisangpilipinoawtor.wikia.com/wiki/Talambuhay_ng_Awtor_na_si_Maria_Josephine_%22Joi%22_Barrios

PAGSUSURI
  •   Ang kayarian ng tula ay nasa MALAYANG TALUDTURAN dahil hindi isinasaalng-alang ang sukat at tugmaan sa bawat taludtod.
  • Walang sukat ang saknong at 40 taludtod
  • panauhan: mga kababaihan- biktima sa tula
  • suliranin: pagkaanuso sa kahirapan ng isang babae
PAGLALAPAT NG TEORYA
FEMINISMO Ang layunin ng panitikan ay magpakilala ng mga kalakasan at kakayahang pambabae at iangat ang pagtingin ng lipunan sa mga kababaihan. Madaling matukoy kung ang isang panitikan ay feminismo sapagkat babae o sagisag babae ang pangunahing tauhan ay ipimayagpag ang mabubuti at magagandang katangian ng tauhan.
  • kahinaan babae
patunay:
 " Babae akong sinasakmal ng kahirapan.
Kahirapan na mistulang
ahas sa damuhan" (taludtod 1-2)

"pumupulupot ang ulupong,
itong paghihikahos, sa aking katawan,
at tumatakas ang lakas." (taludtod 7-9)

paliwanag: 
Ang mga talata ay nagpapakita na ang mga babae ay naabuso sa kanilang kahirapan. Mga babae kadalasan ang nabibiktima sa kadahilanang ang tingin sa kanila ay mahina. Sila ay nasasakal sa ganitong pagtrato sa kanila sa lipunan.
Maihahalintulad din ito sa taong walang kakayanan maipagtanggol ang sarili. Sila ay naabuso sapagkat may mga taong mapagsamantala at di nagpapahalaga sa kapwa. May ilan sa mga tao ngayon na ginagamit ang kanilang lakas hindi para makatulong bagkus upang mapaglamangan ang mahihina.

  • pagkatakot
patunay:
"Nakatitig ang walang talukap 
na mga mata ng sawa,
Nanlilisik,
pagkat batid na walang palya
sa paghatid ng lason 
ang pangil ng pagdaralita
Anong gagawin ng babae
sa kanyang karukhaan?" (taludtod 10-17)

paliwanag:
Sa mga mata ng sawa makikitang ito'y nakatingin sa kanyang bibiktimahin na siyang magiging dahilan ng iyong pagkatakot at pagsawalang-kibo. Inihalintulad sa isang sawa ang pagkadaralita ng babae na tila baga isang lason na nagdudulot ng kawalang pag-asa sa biktima na magiging sanhi ng pagkaduwag at pag-iisip na siya'y wala ng magagawa. 
Sa panahon ngayon mas dumarami ang mahihirap kaysa sa mga nakakaangat sa buhay. Nagiging sanhi ito upang ang iba ay maduwag o matakot na lumaban sa mga sawa o pagkadaralita na dinadanas nila. Mas pinipili pa ng iba na huwag na lang lumaban o magsawalang-kibo na lang sa problemang kanilang hinaharap. Ang lason ng Lipunan ay hindi ang pagkadralita kundi ang pagsawalang-kibo upang labanan ang pagkadaralita.

• palaban at mapagmahal
patunay:
"nasa ating mga babae ang pakikibaka!
Kung paanong sa gabi at sa araw
ay wala tayong humpay sa paggawa,
Kung paanong sabay na lumalaban at nag-aaruga
Matibay ang dibdib pagkat mapagkalinga
ang ating pag-ibig" (taludtod 26-31)

paliwanag:
Palaban at mapagkalinga ang isa sa mga katangian ng mga babae. Pinapakita sa mga talata na kayang ipaglaban ng mga babae ang kanilang karapatan sa lipunan kagaya ng walang humpay nilang paggawa sa mga gawaing bahay at pag-aaruga sa pamilya. Sa panahon noon, ang babae ay limitado lamang ang maaaring gawin at itinuturing na mahina sa lipunan ngunit ngayon ay maaari ng gawin ng isamg babae ang kayang gawin ng isang lalaki.
Kagaya ng pagtingin sa kalagayan ng babae sa isang lipunan, makakaya din ng bawat isa na tumingin ng patas sa kapwa nila. Kung paanong ipinakita ng mga kakabaihan ang halaga nila sa lipunan ay maaari din maipakita ng bawat isa ang halaga nila sa lipunan. At higit sa lahat kaya nating gawing kalakasan ang ating mga kahinaan.




Mga Komento

Mag-post ng isang Komento

Mga sikat na post sa blog na ito

Mapanglaw ang mga ilaw sa Calabarzon Ni Pedro L. Ricarte

Talambuhay Si Pedro L Ricarte ay isang kwentista, mananaysay, mandudula, manunuri at makata.Kasalukuyan isang freelance writer, siya ay nabilang sa patnugutan ng Liwayway sa loob ngsampung taon. ang kanyang kaalaman sa pagsusulat ay kanyang naibahagi sa mga mag-aaral ngLCBA Graduate School sa Calamba, De la SalleUniversity-Manila, Don Bosco at ibangUniversity. Naging kilala si Pedro Ricarte noong 1950-1960’s. Sanggunian:http://www.123people.ca/ http://www.filipinobooks.com/lupang_hinirang.htm PAGSUSURI ·          Ang kayarian ng tula ay nasa MALAYANG TALUDTURAN dahil hindi isinasaalng-alang ang sukat sa bawat taludtod ngunit may ilang tugmaan. ·          4 saknong Unang saknong- 8 taludtod Ikalawang saknong- 6 na taludtod Ikatlong saknong- 7 taludtod Ikaapat na saknong- 5 taludtod tauhan : magsasaka- nagkukwento tungkol sa kanyang lupang sinasaka tagpuan: dapit-hapon sa...
Magbasa nang higit pa

Sandaang Hakbang Papuntang Malakanyang ni Frank Cimatu

talambuhay ng may-akda isang aktibista PAGSUSURI Ang kayarian ng tula ay nasa MALAYANG TALUDTURAN dahil hindi isinasaalng-alang ang sukat sa bawat taludtod. ito ay may tugmaan • Walang sukat ang saknong • panauhan: aktibista/magsasaka- ipinaglalaban ang kanilang karapatan • suliranin: habang nagrarally ang mga aktibista ay nagkaron ng gulo laban sa mga pulis PAGLALAPAT NG TEORYA BAYOGRAPIKAL Ang layunin ng panitikan ay ipamalas ang karanasan o kasagsagan sa buhay ng may- akda. Ipinahihiwatig sa mga akdang bayograpikal ang mga bahagi sa buhay ng may-akda na siya niyang pinakamasaya, pinakamahirap, pinakamalungkot at lahat ng mga “pinaka” na inaasahang magsilbing katuwang ng mambabasa sa kanyang karanasan sa mundo. REALISMO . Ang layunin ng panitikan ay ipakita ang mga karanasan at nasaksihan ng may-akda sa kanyang lipunan. Samakatuwid, ang panitikan ay hango sa totoong buhay ngunit hindi tuwirang totoo sapagkat isinaalang-alang ng may-akda ang kasiningan at pag...
Magbasa nang higit pa